Telmo Ferraz

Telmo Ferraz ye un scritor i cura pertués. Nacido na Tierra de Miranda, na Berçó, cunceilho de Mogadouro, na 1925, fui cura de Zenízio (1951-53) i apuis de Bila Chana i Picuote (1953-56) al tiempo na que ende se fazie ua de las grandes barraiges de la Tierra de Miranda. Passou apuis por Miranda (1956) i Cambambe (riu Cuanza, Angola, 1959), simpre ajudando a tener an pie la giente anquanto éran feitas barraiges. Ajudou a fundar la Casa do Gaiato de Malanje, an Angola. Apuis de tornar a Pertual fui maioral de la Casa do Gaiato (1980) i até hoije sigue apegado a la Obra da Rua. Este L Lhodo i las Streilhas graba I sou sentir delantre la babel de la obra madornal de Picuote. La censura proibiu la sue purmeira eidiçon, de 1960, mas tornou a ser publicado an 1975 i afinconou-se sde ende cumo I más conhecido teçtemunho de la custruçon de las barraiges de I Douro i cumo pedamiego de la lhiteratura de la Tierra de Miranda. Telmo Ferraz nunca deixou de screbir, subretodo poesie, que publica no jornal O Gaiato, siempre cun I mesmo nobre ancanto i la mesma houmanidade.

Amadeu Ferreira